ಹನಿಗವನಗಳು

 

ಕೆಂಪಿಲ್ಲದಿದ್ದರೇನು
ಅತ್ತಿ ಹಣ್ಣಿನಂತಲ್ಲ ಮನಸ್ಸು
ನೇರಳೆಯ ಬಣ್ಣವಾದರೇನು 
ನೇರ ನಡೆ-ನುಡಿ ಅವನದು. 
 *************

ಶೃಂಗಾರ
ಕವಿಯೊಬ್ಬನಿಗೆ
ಲಬಿಸಿದ
ರಸಹೀನ
ರಾತ್ರಿಗಳೇ
ಹೆಚ್ಚು  

************

ಚಿಪ್ಪು ಮುಚ್ಚಿಡಲೇ

ಬೇಕು ಹನಿಯ ಅದು

ಮುತ್ತಾಗಬೇಕಾದರೆ 

************

ಮಳೆಬರದೆ ಕಾಡಿ,
ತಂಗಾಳಿಯೊಡನೆ
ಸರಸವಾಡುತಿರುವ
ಪ್ರತಿ ಸಂಜೆಗಳು
ರೋಚಕ ಮತ್ತು
ರೋಮಾಂಚಕವೇ ಸರಿ
********************

 

ನೀನು ಸಾಲ ಕೊಟ್ಟು ಹೋದೆಯೋ , 

ಅಡವಿಟ್ಟು ಹೋದೆಯೋ ಗೊತ್ತಿಲ್ಲ 

ನಾನು ಮಾತ್ರ ಅಕ್ಷರ ರೂಪದಲ್ಲಿ 

ಭಾವನೆಗಳಿಗೆ ಬಡ್ಡಿ ಕಟ್ಟುತಲೇ 

ಇರುವೆ ಆಗ, ಈಗ ಯಾವಾಗಲು 

**********************

ನೀ
ಬಳಿ ಇರದ
ಸಮಯವ ಬಣ್ಣಿಸಲು
ಆದಾವ ವಿರಹ ಗೀತೆಯೂ
ತೋಚುತಿಲ್ಲ,
ನಾನೇ ಒಂದು ಗೀತೆ
ರಚಿಸಿ ಬಿಡಲ
ಅನುಮತಿಕೊಟ್ಟರೆ ನೀನು  ?

 ************************

"ನನ್ನ
ಕಣ್ಣಿನಿಂದ
ಕಡೆಗೂ
ಜಾರುತ್ತಿರುವ
ನತದೃಷ್ಟ
ಕಂಬನಿ
ನೀನೆ"