ನೀ ಹೊರಟ ನಂತರವೂ :

ನೀ ಹೊರಟ ನಂತರವೂ 

ಗಾಳಿ,ನೀರು,ನೆಲ,

ಆಕಾಶ ಎಲ್ಲವೂ 

ಮೊದಲು ಇದ್ದಹಾಗೆ ಇವೆ 

ನನ್ನ ಹೃದಯದ ಕೋಣೆ 

ಮಾತ್ರ ಕಳೆಗುಂದಿ 

ನೆನಪುಗಳ ಹೊಡೆತಕ್ಕೆ ನಲುಗಿ 

ಹಾಳು ಹಂಪೆಯಂತಾಗಿದೆ

ನೀ ಹೊರಟ ನಂತರವೂ

ಮುಂಜಾನೆ ಮುಸಂಜ್ಜೆ , ಹಗಲು 

ರಾತ್ರಿ, ಸೂರ್ಯ ಚಂದ್ರ ಎಲ್ಲವೂ 

ಮೊದಲು ಇದ್ದಹಾಗೆ ಇವೆ 

ನನ್ನುಸಿರಿನ ನೆಲಮಾತ್ರ 

ಭೀಕರಬರಗಾಲ ಬಡಿದಂತೆ 

ಬಿಸಿಗಾಳಿಯಲಿ ಬಳಲಿ

ಮನವನ್ನೆಲ್ಲಾ ಬಿರುಕುಗೊಳಿಸಿದೆ 

ನೀ ಹೊರಟ ನಂತರವೂ

ಪಾರ್ಕಿನ ಮರ-ಬೆಂಚುಗಳು ಯತಾಪ್ರಕಾರ

ಬಂದು ಕೂತರಿಗೆ ನೆರಳುನೀಡಿ 

ಆಯಾಸ ವಿಲ್ಲದೆ ಅವರ ಹೊರುತ್ತಿವೆ 

ನನ್ನ ಕನಸುಗಳು ಮಾತ್ರ ಹುಚ್ಚು 

ಹಿಡಿದ ಫಕೀರನಂತೆ ನಿನ್ನನೆಸರನ್ನೇ 

ಬಡಬಡಿಸುತ್ತಾ ಭೂತದ ಭ್ರಮೆಯಿಂದ 

ಹೊರಬರಲಾಗದೆ ಚೀರುತ್ತಿವೆ. 

-ನಗೆಮಲ್ಲಿಗೆ